Cport vaziri o'rinbosari yana bir federaciyada ish boshladi

Unda Sport vaziri o'rinbosari Avazjon Karimov, O'zbekiston dzyudo federaciyasi raisi Azizjon Kamilov, Toshkent shahar sport boshqarmasi boshlig'i Bekzod Ubaydullaev, Respublika Olimpiya va paralimpiya o'yinlariga tayyorlash markazi direktori Abror Mamadaliev, poytaxtda faoliyat yuritayotgan sport maktab direktorlari va murabbiylar ishtirok etdi.

Yig'ilish avvalida Azizjon Kamilov Toshkent shahri dzyudochilarining musobaqalardagi ishtiroki ko'ngildagidek emasligi, terma jamoalarimiz tarkibida poytaxtlik nomzod dzyudochilarning kamligini tanqid ostiga oldi. Toshkent shahar sport boshqarmasi boshlig'i Bekzod Ubaydullaev ham bu fikrlarga qo'shimcha tarzda potenciali yuqori bo'lgan poytaxt dzyudosini yangi bosqichga ko'tarish lozimligi, buning uchun talabchan rahbar kerakligini takidladi. 

SHundan so'ng tashkiliy masala ko'rildi. Boshqa ishga o'tgani munosabati bilan A.Irchaev o'z lavozimidan ozod etildi. Uning o'rniga Sport vaziri o'rinbosari Avazjon Karimov O'zbekiston dzyudo federaciyasining Toshkent shahar bo'limi raisi etib saylandi. Yig'ilish qatnashchilari bir ovozdan Avazjon Qudratillaevichning nomzodini maqullashdi. 

So'zga chiqqan Avazjon Karimov muvaffaqiyatga erishish, Toshkent shahri dzyudosini yangi bosqichga ko'tarish uchun barcha birdek harakat qilishi lozimligini, bu borada o'z tajribasini ishga solishini aytdi. Biz ham o'z o'rnida Avazjon Qudratillaevichga kuch-quvvat tilaymiz.