Dacik boks jangida Tompsonni texnik nokautga uchratdi

Dacik boks qoidalari asosida o'tkazilgan jangda britaniyalik Oli Tompsonni muddatidan avval mag'lubiyatga uchratdi. Referi birinchi raunddayoq jangni to'xtatib, texnik nokaut qayd etdi. Jang to'xtatilishidan avval tomonlar bosh bilan to'qnashib ketishgandi. Hakamlar bu vaziyatni qayta ko'rib chiqishmadi va Dacikni g'olib deb elon qilishdi.

Eslatib o'tamiz, Vyacheslav Dacik bundan avvalgi jangida qozog'istonlik Galimjan Jaslanovga ochkolar hisobiga ko'ra yutqazib qo'ygandi. Tompson esa may oyida boshqa bir  rossiyalik sportchi, sobiq UFC promousheni jangchisi Aleksey Oleynik bilan to'qnash kelgan va birinchi raunddayoq nomdor raqibini nokautga uchratgan edi. Jangdan oldin Dacik Oleynikning mag'lubiyati uchun revansh olishini aytgandi.