Dana Uayt: "Boksda eng qoloq omadsiz va ablahlar ishlaydi"

U Xalqaro boks federaciyasi (IBF) Jey Opetayyani Zuffa kamariga jangda qatnashgani uchun chempionlik kamaridan mahrum qilganiga etiroz bildirdi. IBF qoidalariga ko'ra esa ularning chempionlari faqat WBA, WBC va WBO kamarlari uchun janglarda qatnashishi mumkin.

"Boksda muammolar ko'pligi bejiz emas, - dedi Uayt. - Bunaqa qoloq va noprofessional narsani hech qachon ko'rmaganman... Ular buni aniq rejalashtirishgan - 110 foizga ishonchim komil... [IBF] kamari har doim barcha matbuot anjumanlarida ko'rinardi, chunki bu uning kamari. SHu bilan birga, ular Zuffa`ning kamari uchun ham jang qilishdi... Nimani noto'g'ri qildik? Biz ularga hurmat bilan munosabatda bo'ldik va men ular haqida biror marta yomon so'z aytmadim".

Uaytning so'zlariga ko'ra, IBF vakili jang o'tishi kerak bo'lgan Las-Vegasga kelgan, u erda Opetayyadan chempionlik unvonini himoya qilish uchun to'lovni (taxminan 80 ming dollar) olgan, so'ngra darhol samolyotga o'tirib, uchib ketgan. Vaholanki, u vazn o'lchash jarayonini nazorat qilish va jangni kuzatish uchun qolishi kerak edi.

"Bu odamlarning barchasi men duch kelgan eng qoloq omadsiz va ablahlardir, - dedi Zuffa Boxing rahbari. - Keldim, chekni oldim, samolyotga sakrab chiqdim-da, uyga qochdim. Mana, biz ishlashimiz kerak bo'lgan "professionallar" darajasi... Ular haqiqatan ham juda yomon va men bu darajaning qanchalik pastligidan hayratda qoldim".

Eslatib o'tamiz, Jey Opetayya kecha ertalab Brendon Glentonni hakamlarning yakdil qarori bilan mag'lubiyatga uchratib, tarixda birinchi bo'lib Zuffa chempionlik kamarini qo'lga kiritgandi.

Opetayya so'nggi daqiqagacha IBF ushbu jangni ixtiyoriy unvon himoyasi sifatida maqullashini kutdi va tashkilotning barcha tartib-qoidalariga, shu jumladan jang kuni qayta vazn o'lchashga to'liq rioya qildi.