Dana Uayt: "Carukyanni haydab yuborishim mumkin edi"

UFC rahbarining aytishicha, u Arman bilan ziddiyatga bormagan. Carukyanning o'zi nima uchun Jastin Getji va Peddi Pimblett o'rtasidagi vaqtinchalik chempionlik uchun jangni ololmaganini juda yaxshi biladi.

"U hali ham shu erda, chunki, bilasizmi, men nima qilmadim? Men uni haydamadim, u bilan xayrlashmadim, garchi qo'limdan kelsa ham. SHunday ekan, biz uni yomon ko'rmaymiz va men u bilan hech qanday ziddiyatga bormaganman. Arman erkak, u vaziyat qandayligi, sahna ortida nima bo'lganini o'zi biladi. U buni biladi - biz hammamiz buni bilamiz. Men hech qachon bu haqda omma oldida gapirmayman, chunki siz, jurnalistlar, keksa kampirlar kabi - muhokama qilish va bosish mumkin bo'lgan hamma narsadan foydalanasiz. Bu biznesda ko'p narsalar sodir bo'ladi, lekin biz buni o'zaro saqlaymiz. Vaziyat shunday va Arman buni juda yaxshi biladi", - dedi tashkilot rahbari The MacLife’ga bergan intervyusida.

Eslatib o'tamiz, joriy yilning yanvar oyida Arman Carukyan vazn tashlash ortidan bel jarohati tufayli Islam Maxachev bilan chempionlik jangiga chiqa olmagandi. Keyin so'nggi lahzada UFC taklifini "haqorat" deb atab, Mateush Gamrot bilan revansh jangidan bosh tortgan edi.

SHunga qaramay, rossiyalik jangchi Iliya Topuriya va CHarlz Oliveyra o'rtasidagi chempionlik jangini sug'urta qildi va noyabr oyida oktagonga qaytib, ketma-ket beshinchi g'alabasini qo'lga kiritdi. U Den Xukerni qo'l uchburchagi bilan bo'g'ib qo'ydi.