Dana Uayt: "Jon Jonsda artrit bor, shifokorlar unga bo'g'imlarni almashtirishni tavsiya qilmoqda"

"Hech qachon, hech qachon, hech qachon - men yuz ming marta aytganmanki, Jon Jons Oq uyda jang qilishi mumkinligi xayolimga ham kelmagan, - dedi Uayt. - Birinchidan, men uni nima uchun u erga olib bormoqchi emasligimni aytdim, ikkinchidan, yaqinda bir yigit o'zining tos-son bo'g'imlari haqida gapirayotganini, ularning ahvoli yomonligini videoga oldi. U zo'rg'a yugurib kelayotgan videosi ham bor. Jon Jons bo'g'imlari tufayli faoliyatini yakunladi. Uning artriti (bo'g'imlarning yallig'lanishi) bor, shifokorlar, aftidan, bo'g'imlarini almashtirishni maslahat berishayotgan bo'lsa kerak... Bu uning [Oq uydagi turnirda] ishtirok etishini rejalashtirmaganimning ko'plab sabablaridan biridir".

Uayt, shuningdek, yurist Jon Jonsga xabar yuborganini qo'shimcha qildi, unda Jons "hech qachon va hech qanday holatda Oq uydagi turnirda ishtirok etmasligini" aniq takidlagan.

"Uning faoliyati yakunlandi, deb bemalol aytish mumkin", - deya qo'shimcha qildi UFC rahbari.

Eslatib o'tamiz, avvalroq Dana Uayt Jon Jonsni Oq uyda bo'lib o'tadigan UFC turniriga jalb qilmoqchi emasligini, chunki u rejalashtirilgan janglardan voz kechib, bir necha bor uni aldab ketganini malum qilgandi. "Agar Jon Jons, Anderson Silva va boshqalar kabi buyuk jangchilar haqida gapiradigan bo'lsak... Ular o'ziga xos rassomlar... Menga esa ishonchlilik yoqadi", - deb tushuntirdi Uayt qarorini.