Dana Uayt kechagi ommaviy mushtlashuvga munosabat bildirdi

Ushbu oqshom o'tkazilayotgan bir pallada muxlislar o'tirgan tribunada ommaviy mushtlashuv ro'y bergandi. UFC rahbari ushbu holatga o'z munosabatini bildirdi va barcha aybni o'zidan soqit qildi. Dananing so'zlariga qaraganda, zaldagi xavfsizlikka tashkilot emas, turnirni qabul qilayotgan mezbon davlat javobgar bo'ladi.  

"Muxlislarning o'zaro mushtlashuvi UFC turnirlariga soya soladimi, yani obro'sizlantiradimi? Bizda shu paytgacha bunday ommaviy janjal kuzatilmagandi. Ilk bor aynan Mexikoda holat yuz berdi. Eng aqlga sig'maydigan holat shundaki, bu mushtlashuv to'xtovsiz davom etaverardi. Men voqea bo'layotgan tomonga qarab yugurdim. Hech kim urishni to'xtatishga harakat ham qilmasdi. Xavfsiz xodimlari vaziyatga aralashishini kutib turdim. Lekin ular aksincha, mushtlashuvni tomosha qilib turishardi. Takror aytaman, bu men ko'rgan eng aqlga sig'maydigan holat edi. Umrimda bunaqasini ko'rmaganman. Lekin bu narsa UFC turnirlari nufuziga salbiy tasir o'tkazmaydi. Bu holat bo'lib o'tdi va tugadi. Men aybni mezbonlar tomonidan biriktirilgan xavfsizlik xodimlariga qo'yaman", - dedi Dana Uayt.