Dana Uayt Oq uydagi Donald Tramp bilan uchrashuvi haqida gapirdi

Uchrashuvda u Donald Tramp tomonidan kelasi yili AQSH Mustaqillik kuniga bag'ishlab Oq uyda tashkil etiladigan keng ko'lamdagi promoushen tadbiri hamda turniri muhokama qilingan.

"O'tgan hafta biz Oq uyda bo'ldik. Men va mening jamoam. Biz Donald Trampga rejalarimizni taqdimot qilib berdik va uning bu boradagi roziligini oldik - nima yoqadi-yu, nima yo'q. Umuman olganda, unga takliflarimiz yoqdi. SHu bois endi jarayonga boshimiz bilan sho'ng'iymiz. Barcha yo'nalishdagi ishlar boshlanadi.

O'tgan safar Oq uyda bo'lganimda uning tomiga chiqqandim. U erning hamma joyida katta kalibrli miltiqlar bilan snayperlar bor. Telbalik. Xavfsizlik masalasi juda dolzarb bo'ladi. Birinchi navbatda Maxfiy xizmat Prezidentni himoya qiladi", - dedi Uayt YouTube’dagi The Herd with Colin Cowherd kanalidagi intervyusida.

Dananing so'zlariga ko'ra, tadbir 5000 nafardan kam tomoshabinga mo'ljallangan bo'ladi. SHuning barobarida tashkilotchilar Oq uy yaqinidagi bog' hududidan foydalanishni rejalashtirmoqda.

"Bu bog'ning nomi esimda yo'q, lekin u erda 85 ming kishini joylashtirish mumkin. Biz katta sahna o'rnatamiz - o'sha haftada butun Vashingtonni nazorat ostiga olamiz", - dedi UFC rahbari.