Dana Uayt UFC va boksdagi gonorarlarni taqqosladi: "Har kim ekkanini o'radi"

Dunyoning eng kuchli Ligasi rahbarining so'zlariga ko'ra, juda kamdan-kam bokschilar katta gonorar oladi. UFC’da esa pul butun roster bo'ylab teng taqsimlanadi. Bundan tashqari, Uayt uning tashkilotida chempion bo'lmagan, ammo katta tajribaga ega jangchilar ko'pincha millionlab pul ishlashini takidladi.

"Bunday pul topadigan bokschilarning juda oz qismi bor. UFC’ga qaraydigan bo'lsak, pullar barcha jangchilar o'rtasida deyarli teng taqsimlanadi. Agar siz Konor Makgregor yoki Ronda Rouzi kabi yulduz bo'lsangiz, bu boshqa masala. Ko'pchilik pullik translyaciyalarni sota olishini allaqachon isbotlagan va tabiiyki, ularning ulushi ko'proq bo'ladi. SHunday ekan, jangchilarga adolatsiz to'lovlar to'g'risidagi barcha gap-so'zlar mutlaqo haqiqatga to'g'ri kelmaydi," - dedi Uayt Vegas PBS telekanaliga bergan intervyusida.

SHuningdek, tashkilot prezidenti uning jangchilariga o'z gonorarlarini omma oldida muhokama qilish va oshkor qilish taqiqlangani haqidagi malumotni rad etdi.

"Ulardan so'rang, bu haqda gapirish mening vazifam emas. Bunga hech qanday taqiq yo'q. Ularning hammasi xotirjamlik bilan qancha maosh olishlari va ularga qancha to'lashgani haqida to'liq intervyu berishlari mumkin. Lekin ularning o'zi qancha maosh olishlarini bilishingizni istashmaydi. Odamlar qancha pul topganingni bilishsa, hayot ancha murakkablashadi. Millionlab pul ishlab topganingni bilgach, sadaqa so'raydigan odamlar paydo bo'ladi. Siz har qanday jangchidan intervyu olishingiz mumkin - ular sizning oldingizda o'zlarining to'lov tizimlarini ochiqlashadi. Ammo g'alati tomoni shundaki, ularning hech biri bunday qilmaydi", - deya tushuntirdi Uayt.