Daniel Korme Entoni Jonsonning o'limiga munosabat bildirdi

Xabar berganimizdek, yarimog'ir vazn toifasida UFC chempionlik kamari uchun sobiq davogar Entoni "Rambl" Jonson kecha o'zining 39 yoshida bu hayotdan ko'z yumdi.

"Yotgan joyingda tinch orom ol, birodar. Ko'p odamlarning qalbiga qo'rquv solgan Entoni Jonson aslida g'amxo'r inson edi. "Rambl"dek yigitning o'rni har doim bilinadi. Bazilarnig hayoti adolatsiz yakun topadi. Ochig'i, bu dahshatli yangilik bo'ldi", - dedi Korme.

Malumot uchun, Daniel Korme Entoni Jonson bilan ikki marotaba oktagonda to'qnash kelgan va ularning ikkisida ham Korme Jonsondan ustun kelgan.