Dastin Pore kechagi nokautli mag'lubiyatiga ilk bor izoh berdi

Engil vazn toifasi reytingida ikkinchi o'rinni egallab turgan amerikalik davogarlar jangida hamyurti Jastin Getjiga nokaut evaziga imkoniyatni boy berib qo'ygandi. O'zaro janglarda muvozanatni tiklay olgan Jastin vakant bo'lib turgan BMF kamarini ham qo'lga kiritdi. Aynan u Islam Maxachevning chempionlik kamari uchun rasmiy davogarga aylandi. 

"Men bu holatdan o'tib bo'lganman. Erkak kishi sifatida mag'lubiyatni ham tan ola bilish kerak. Biz janoza marosimiga yig'ilmadik. Men allaqachon g'alaba qozonib bo'lganman. Men bu hayotda zafar quchganman. Endi bevosita jangning o'ziga kelsak, men birinchi raunddan keyin g'alaba qozonib bo'ldim deb o'ylay boshladim. Lekin oldinda yana to'rtta raund bor edi. Birinchi raundda qilgan ishimni qolgan besh daqiqaliklarda ham amalga oshirishimga ishonardim. Balki, xatoga yo'l qo'ygandirman", - dedi Pore.

SHuningdek, "Brilliant" Getji bilan trilogiyani yakunlab qo'yishi haqida berilgan savolga ham javob berdi.  

"Ko'ramiz. Hozir o'zaro jangimizda hisob 1-1. Biz bir marotabadan bir-birimizni nokautga uchratdik. Jarayonni kuzatib boramiz". 

Matbuot anjumanidan keyin Dastin Pore ijtimoiy tarmoqdagi sahifasi orqali Jastin Getjiga murojaat qildi.

"Aqlbovar qilmas daraja, Jastin! Ajoyib ijro!", - deya xabar qoldirgan Pore.