06 fev 21:54
Yangiliklar

Dzyudo

Davlat Bobonov ham "Katta Dubulg'a" bronza medali sovrindori!

Teglar : Davlat Bobonov

Parij tatamilarida "Katta Dubulg'a" turkumiga kiruvchi nufuzli musobaqaning ikkinchi kungi bahslari davom etmoqda.

Hozirgina -90 kg vazn toifasidagi dzyudochimiz Davlat Bobonov kurashsiz musobaqaning bronza medalini qo'lga kiritdi. Tokio Olimpiadasi bronza medali sovrindorining raqibi gruziyalik Beka Griniashvili yarim finalda taqiqlangan harakat uchun xansoke, yani jazo olgani uchun tamiga chiqmadi.

Natijada avtomatik ravishda g'alaba Bobonovga taqdim etildi. Bu terma jamoamizning ushbu musobaqadagi ikkinchi bronza medali bo'ldi. Biroz avval -81 kg vazn toifasidagi dzyudochimiz SHarofiddin Boltaboev ham bronza medaliga sazovor bo'lgan edi.