Davron Fayziev Madrimov - Krouford jangi favoriti haqida gapirdi

Oqshomning markaziy jangida hamyurtimiz superyarim o'rta vazn toifasida WBA chempioni Isroil Madrimov P4P reytingi etakchilaridan amerikalik Terens Kroufordga qarshi ringga ko'tariladi. Taniqli sharhlovchi Davron Fayziev bo'lajak jang haqida shunday fikr bildirdi.

"Isroil Madrimov juda yaxshi havaskor boks maktabini bosib o'tdi. Prof boksga kirib kelganiga hali ko'p bo'lmadi, lekin etarlicha qiyinchiliklarni ko'rishga ulgurdi. Jarohatlar, kuchli raqiblarga qarshi janglar. Bu holatlarda u o'zining ruhiyatini ko'rsata oldi. SHaxsan men Madrimovga ishonyapman. Krouforddek nomdor bokschiga qarshi jang o'tkazishga hali erta emasmidi? Menimcha, hozir ayni payti. Jarohatidan to'liq forig' bo'ldi. O'zining yaxshi sport formasiga kirib oldi. Terensdan yosh, bu ham muhim jihatlardan biri. O'ziga yarasha plyuslarimiz ko'p. Tezlik va jismoniy tomonlama ustunlik Krouford tomonda. Terensning birgina ustunligi uning yillar davomida to'plagan boy tajribasida bo'lishi mumkin. U katta janglarni ko'rgan, balki shu tomondan jangda biroz ustunlikka ega bo'lar. Ammo umumiy qilib olganda baribir Isroil Madrimovda plyuslar ko'proq ko'rinyapti. Magomed Kurbanovga qarshi kechgan chempionlik jangi Isroilni ulg'ayganini ko'rsatdi. Bu jang hamyurtimizga jahon boksida superyulduz bo'lib olish uchun xizmat qiladi. Buni uning o'zi ham tushunib turibdi", - dedi Fayziev.