Den Xuker keyingi jangini yana bir top darajadagi jangchiga qarshi o'tkazadi

U keyingi jangini iyun oyida Benil Dariushga qarshi o'tkazadi. Bu haqda Denning o'zi xabar berdi.

"Iyun oyida Benil Dariush bilan jang qilaman. UFC yil o'rtalarida Avstraliyada turnir o'tkazishi mumkinligi haqida eshitdim, o'z uyimda jang qilish ajoyib bo'lardi.

Dariush mendan yuqori o'rinda turibdi, u oxirgi ikkita jangida mag'lub bo'ldi. SHunday ekan, kel, og'ayni, ajoyib jang uyushtiramiz. U avvalgi holiga qayta olishi yoki qayta olmasligi haqida gapirganini eshitgandim. Bu borada men seni sinab ko'rishim mumkin, Benni", - dedi Xuker.

Eslatib o'tamiz, Den Xuker so'nggi jangini 2023 yil iyul oyida Jalin Tyornerga qarshi o'tkazib, ochkolar hisobiga ko'ra g'alaba qozongan edi.