Deniel Jeykobs faoliyatini yakunlashini elon qildi

Amerikalik 37 yoshli bokschi shu qarorga kelganini aytmoqda.  

"Faoliyatimni yakunlayotganimni elon qilaman. Hayotimni o'zgarishiga sabab bo'lgan boks sport turiga rahmatimni aytmoqchiman. Hayotimda nimaga erishgan bo'lsam, bariga boks sababchi. Boks bo'lmaganida hozirgi hayotim qanday holatda bo'lardi, ochig'i tasavvur ham qila olmayman. Boks meni inson sifatida tarbiyaladi", — dedi Jeykobs.

Deniel Jeykobs 2017 yilning iyul oyida professional boksda debyut qilgan. 2010 yilda ilk bor chempionlik kamari uchun jang o'tkazib, rossiyalik Dmitriy Pirogga nokaut bilan yutqazib qo'ygandi. 2014 yilning avgustida Jeykobs vakant bo'lib turgan WBA kamarini qo'lga kiritgan va keyinchalik uni to'rt marotaba muvaffaqiyatli himoya qilgan. 

Deniel 2017 yilning martida qozog'istonlik Gennadiy Golovkinga qarshi birlashtiruvchi chempionlik jangida ringga ko'tarilgan va hakamlarning yakdil qarori bilan yutqazib qo'ygandi. 2018 yilning oktyabr oyida ukrainalik Sergey Derevyanchenkoni engib, vakant bo'lib turgan IBF kamarini qo'lga kiritgandi. 2019 yilning martida meksikalik Saul Alvaresga qarshi birlashtiruvchi chempionlik jangida ringga chiqib, hakamlarning qaroriga ko'ra imkoniyatni boy bergan edi.