Denis Istomin: "Hali faoliyatimni yakunlaganim yo'q. AQSHga qarshi ham o'ynashim mumkin"

Unda O'zbekiston terma jamoasi pley-off doirasida AQSHga qarshi o'yin o'tkazadi. Ushbu o'yin oldidan tennisimiz afsonasi Denis Istomin Olamsport.com sayti uchun qisqa intervyu berdi. 

- Denis, mazkur uchrashuvga tayyorgarlik qanday o'tdi? 

- O'yinga tayyorgarlik yaxshi bo'ldi. Ikki nafar sportchimiz Turkiyadagi bazada shug'ullandi. O'yinlarga bir hafta qolganda bu erga kelishdi va shu erda mashg'ulot o'tkazishyapti. 

Humoyun esa bir necha musobaqalarda ishtirok etdi. Quvaytdagi so'nggi musobaqada finalgacha etib bordi. Beshinchi raqamli tennischini aniqlab olish uchun kichik musobaqa tashkil etdik va unda Amir Milushev g'olib bo'ldi. U mana shunday katta musobaqani ko'rishi, katta sport havosidan nafas olishi lozim. 

- AQSHga qarshi o'yinda siz ham ishtirok etishni istarmidingiz?

- Barcha narsa bo'lishi mumkin. Men o'ynovchi sardorman. Agar vaziyat shuni taqozo etsa men ham o'yinlarda ishtirok etishim mumkin.

- Hozirgi kunda terma jamoa yigitlarida jarohatlar yo'qmi? 

- Barchasi joyida. Umid qilamizki, bundan keyin ham shunday bo'lib qoladi. 

- Turda hali sizni yana ko'ramizmi?

- Hali faoliyatimni rasman yakunlaganim yo'q. Kichik tanaffus yuzaga keldi, biroz jarohatlar bor. Ammo, bu mavsumda hali yana o'ynayman.

- O'yinlar oldidan muxlislarga nima degan bo'lardingiz? 

- O'yinimizga keling, yigitlarni qo'llab-quvvatlang. Umid qilamanki, muxlislar o'yinimizga kelishadi va bizga muxlislik qilishadi. Biz birgalikda g'alaba qozonamiz. 

Aziz To'xtamurodov suhbatlashdi