Denis Lebedev: "Klichko haqida gapirishni istamayman"

Birinchi og'ir vazn toifasida (- 90,7 kg) sobiq mutlaq jahon chempioni, rossiyalik sobiq bokschi Denis Lebedev (32-3) qachonlardir ukrainalik aka-uka sobiq bokschilar — Vitaliy Klichko (45-2) va Vladimir Klichkolar (64-5) bilan Ukrainada uchrashganmi yoki yo'q, degan savolga javob berdi.

Malumot uchun, armiyada xizmat qilganidan keyin Lebedev yana to'rt yil Yalta va Kiev shaharlarida shaxsiy qo'riqchi bo'lib ishlagan.

"Yo'q, o'sha paytda men bu bokschilar bilan uchrashmaganman. Keyinchalik Moskvada men mag'lubiyatga uchragan Gilermo Jons bilan jangdan so'ng, divanda o'tirgan paytimda, Vitaliy Klichko yonimga kelgan edi... Biroq, men Klichko haqida gapirishni xohlamayman. CHunki o'sha vaqt hozirgi zamon bilan kesishadi", - dedi Lebedev.

Denis Lebedev 2019 yilda sportchilik faoliyatini yakunlagan edi. U so'nggi bor 2019 yilning 21 dekabrida Tabiso Mchunuga qarshi ringga ko'tarilib, mag'lub bo'lgan edi.