Deontey Uaylder: "Usik mendan qo'rqadi"

"Bu odam mendan qo'rqadi. Usik bir necha bor men bilan jang qilishdan qochib qolgan. O'zini men bilmaydigandek tutmasin. Men bu biznes bilan ancha yildan beri shug'ullanib kelaman va hammasini juda yaxshi bilaman. Unga bir necha marotaba men bilan jang uchun katta pul taklif qilishgan va har safar rad javobini olishgan", — deya Uaylderning so'zlarini keltiradi The Sun.

Avvalroq, Uaylderning navbatdagi jangi britaniyalik Entoni Joshuaga qarshi o'tkazilishi aytilgandi. Uaylder hisobida 43 ta g'alaba, 2 mag'lubiyat va 1 durang natija bor. Janglarining 42 tasida raqiblarini nokautga uchratgan.  

Aleksandr Usik esa 20 ta jangining barchasida g'alaba qozongan. So'nggi jangini o'tgan yilning avgust oyida Entoni Joshuaga qarshi o'tkazib, britaniyalik nomdor raqibini hakamlarning ayri qarori bilan ochkolar hisobiga ko'ra mag'lub etgan edi.