Devid Benavides - Kaleb Plant jangi rasman elon qilindi

Ikkinchi o'rta vazn toifasida amerikalik sobiq jahon chempionlari — Devid Benavides (26-0) va Kaleb Plantning (22-1) o'zaro jangi qachon va qaerda bo'lib o'tishi malum bo'ldi.

Bu haqda ESPN nashri muhbiri, insayder Mayk Koppinjer xabar bergan. Koppinjerning yozishicha, Benavides - Plant jangi 25 mart kuni Las-Vegas (AQSH) shahrida joylashgan MGM Grand arenasida o'tkaziladi. 12 raundga mo'ljallangan jang Benavidesning WBC vaqtinchalik chempionlik kamari uchun bo'lib o'tadi.

Devid Benavides so'nggi bor 2022 yil 21 may kuni kanadalik David Lemyoga (43-5) qarshi jang qilib, g'alaba qozongan edi. Mazkur g'alaba orqali Benavides ikkinchi o'rta vaznda WBC vaqtinchalik chempionlik kamariga ega bo'lgan edi. Kaleb Plant esa ohirgi jangida Entoni Dirrelga (34-3-2) qarshi ringga ko'tarilib, muddatidan avval g'olib bo'lgan edi.

David Benavidez and Caleb Plant will meet March 25 at MGM Grand Garden Arena in Las Vegas on Showtime PPV, sources tell ESPN. Big-time fight at 168 pounds.

— Mike Coppinger (@MikeCoppinger) January 18, 2023