Devis Kubogi. Belgiya - O'zbekiston uchrashuvining tarkiblari, vaqti va qanday kortda o'tkazilishi malum bo'ldi

Terma jamoamiz 1-Jahon guruhida o'z o'yinlarini o'tkazadi. Vakillarimizga avval xabar berganimizdek, birinchi bo'lib Belgiya terma jamoasi raqiblik qiladi. Uchrashuv 16-17 sentyabr kunlari Belgiyaning Xasselt shahrida joylashgan "Sporthalg Alverberg" arenasidagi yopiq xard kortlarida o'tkaziladi.

Ahamiyatlisi, mazkur o'yinlar uchun terma jamoalar tarkibi ham aniq bo'lib ulgurdi:

O'zbekiston: Humoyun Sultonov, Sergey Fomin, Denis Istomin, Maksim SHin, Amir Milushev. Jamoa sardori - Denis Istomin.

Belgiya: David Goffin, Kimmer Koppeans, Yoris de Lur, Sander Jille, Yoran Vliegen. Jamoa sardori - Stiv Darcis.

Jamoalar shu kungacha o'zaro to'qnash kelmagan. Ular o'rtasidagi ilk kungi uchrashuv Toshkent vaqti bilan soat 12:00 da boshlansa, 17 sentyabr kuni o'tadigan o'yinlar soat 13:00 da boshlanishi kutilmoqda.

Eslatib o'tamiz, O'zbekiston tennis terma jamoasi 3-4 fevral kunlari "Devis Kubogi"ning 2023 yilgi mavsumi final bosqichi uchun o'tish o'yinida AQSH termasiga mag'lub bo'lgan edi.