"Devis Kubogi". O'zbekiston - AQSHga mag'lub bo'ldi

Ilk o'yinda Sergey Fomin Makkenzi Makdonaldga 4:6, 1:6 hisoblarida yutqazib qo'ydi. Uchrashuv 1 soat 8 daqiqa davom etdi.

Ikkinchi o'yinda esa Humoyun Sultonov Tommi Polga 1:6, 6:7 hisoblarida mag'lub bo'ldi. Uchrashuv 1 soat 37 daqiqa davom etdi.

Uchinchi bahsda Sanjar Fayziev/Sergey Fomin tandemi Ostin Kraychek va Rajiv Ram juftligiga qarshi o'yin o'tkazib, 2:6, 4:6 hisoblarida imkoniyatni boy berishdi.

To'rtinchi o'yin doirasida Sergey Fomin – Tommi Pol bahsi etkazilishi lozim edi, biroq murabbiylar qaroriga ko'ra 17 yoshli Amir Milushev Denis Kudlaga qarshi o'ynab, 4:6, 4:6 hisoblarida imkoniyatni boy berdi.

SHu tariqa, O'zbekiston tennis terma jamoasi "Devis Kubogi"ning bu yilgi saralash bahslaridagi yurishini to'xtatdi.

Devis Kubogi. O'zbekiston — AQSH - 0:4

3 fevral

1. Sergey Fomin - Makkenzi Makdonald - 4:6, 1:6.
2. Humoyun Sultonov - Tommi Pol 1:6, 6:7.

4 fevral

3. Sanjar Fayziev/Sergey Fomin — Ostin Kraychek/Rajiv Ram 2:6, 4:6.
4. Amir Milushev - Denis Kudla 4:6, 4:6.