Dietologimiz Ukrainadagi o'quv kursida ishtirok etdi

Ushbu tadbir O'zbekiston Milliy olimpiya qo'mitasi hamda Ukraina Jismoniy tarbiya va sport Milliy universiteti hamkorligida tashkil etildi. O'quv kursini o'tkazishdan asosiy maqsad O'zbekiston va Ukraina sport shifokorlari hamda dietologlari o'rtasida tajriba almashish, hamkorlikni yangi bosqichga olib chiqishdan iborat edi. 

Ukraina Jismoniy tarbiya va sport Milliy universitetida o'tkazilgan o'quv kursida O'zbekiston dzyudo federaciyasi dietologi Gulchehra Hasanova ham ishtirok etdi. Kurs qatnashchilariga bevosita Olimpiada va jahon chempionlarini tayyorlagan tajribali mutaxassislar saboq berishdi. Uch kun davom etgan o'quv kurslari o'zbekistonlik mutaxassislar uchun foydali bo'ldi.