Dillian Uayt raqibini muddatidan avval mag'lub etdi

Oqshom doirasida superog'ir vazn toifasida sobiq vaqtinchalik jahon chempioni britaniyalik Dillian Uayt (31-3, 21 KO) ganalik Ebenezer Tette (23-2, 20 KO)ga qarshi ringga ko'tarildi. Ettinchi raunddan keyin Tettening burchagi jangni davom ettirmaslikka qaror qildi. 

SHu tariqa, Dillian Uayt texnik nokaut evaziga faoliyatidagi 31-g'alabasini qo'lga kiritdi. Muddatidan oldin qozongan g'alabalari soni 21 taga etdi. Hisobida 3 ta mag'lubiyat ham bor. Dillian shu yilning mart oyida germaniyalik Kristian Xammerni ham texnik nokaut evaziga taslim etgan edi. Tette esa faoliyatidagi ikkinchi mag'lubiyatini qabul qilib oldi. Ganalikni 2019 yilda boshqa bir britaniyalik bokschi Deniel Dyubua birinchi raundda nokautga uchratgandi.