Dilshodbek Ro'zmetov: "Rufat Risqiev kubogi" uchun ham kurashaman"

-81 kg vazn toifasida jahon chempionati finalchisi, O'zbekiston chempionatida "Dinamo sport jamiyati" sharafini himoya qilayotgan Dilshodbek Ro'zmetov ilk jangini buxorolik Abdukarim Farmonovni o'tkazib g'alaba qozondi va keyingi bosqichga yo'l oldi.

Jangdan so'ng sportchimiz o'z fikrlarini bildirib o'tdi.

"Sportchida birinchi navbatda ishonch bo'lishi kerak. Jahon chempionati sovrindori bo'lsamda, mamlakat birinchiligida ham qatnashib tajribamni oshirishim zarur. O'z vaznimda Kozimbek Mardonovni asosiy raqib deb hisoblayman. "Rufat Risqiev kubogi" uchun ham kurash olib boraman.  Mirazizbek Mirzahalilov, Abdumalik Halakovni kubok uchun favoritlar safida peshqadam deb bilaman. Abdumalikning texnikasi juda kuchli, ringda engil va xotirjam harakat qiladi. Menda esa jangda hayajonlanib o'zimni yo'qotib qo'yish holatlari bo'ladi. SHunda murabbiylarimning ko'rsatmalari bor diqqat-etiborimni raqibimga qaratishga yordam beradi"-dedi Dilshodbek Ro'zmetov.

Eslatib o'tamiz, 2019 yildan boshlab O'zbekiston boks federaciyasi tashabbusi bilan kattalar o'rtasidagi mamlakat chempionatining eng yaxshi bokschisiga "Rufat Risqiev kubogi" topshiriladi. 

Sarvinoz Raxmonqulova