13 iyu 11:10
Yangiliklar

Dzyudo

Diyora Keldiyorovani tabriklaymiz!

Bugun Osiyo chempioni, kadetlar o'rtasida jahon chempioni Diyora Keldiyorova o'z tavallud ayyomini nishonlamoqda.

Diyora Keldiyorova Samarqand viloyatining Pastdarg'om tumani Juma shaharchasida tug'ilgan. Murabbiyi - Xurshida Xoliqova. Samarqand davlat universitetining 3-bosqich talabasi.

Diyora 2015 yil Bosniya va Gercegoviniyaning Saraevo shahrida o'tkazilgan kadetlar o'rtasidagi jahon chempionatida yo'lidan chiqqan barcha raqibalarini mag'lubiyatga uchratib, oltin medalni qo'lga kiritgan. U o'tgan yili Xitoyning Cindao shahrida o'tgan "Masters" turnirida bronza medaliga ega chiqqan.

Bugungi kun qahramoni hozirda -52 kg vazn toifasida Tokio Olimpiadasi yo'llanmalari uchun kurash olib boryapti. Bu borada unga omad va g'alaba tilaymiz. Tavallud kun muborak, Diyora!