Dmitriy Bivol navbatdagi raqibi va jang sanasini bilib oldi

Rossiyalik bokschi o'ziga tegishli IBF chempionlik kamarini majburiy davogar Mixael Ayfertdan himoya qiladi. Jurnalist va insayder Den Rafaelning malum qilishicha, IBF ushbu jangni o'tkazish huquqi uchun promouterlik aukcionini bekor qilgan, chunki bokschilar vakillari tashkilotni muzokaralar davomida kelishuvga erishganliklari haqida xabardor qilgan.

Taxminlarga ko'ra, mazkur jang 23 may kuni Misrning Giza shahrida bo'lib o'tadigan boks oqshomi doirasida tashkil etiladi. Turnirning asosiy voqeasi superog'ir vazn toifasida jahon chempioni Aleksandr Usik hamda afsonaviy kikbokschi Riko Verxuven o'rtasidagi jang bo'lishi kutilmoqda.

Malumot uchun, 35 yoshli Dmitriy Bivol (24-1, 12KO) so'nggi bor 2025 yilning fevral oyida Artur Beterbievni revansh jangida mag'lub etgandi. SHundan so'ng, Beterbiev va Bivol uchinchi jang haqida muzokaralar olib borishdi, ammo bu muvaffaqiyatsiz tugadi. Avgust oyida Dmitriyning umurtqa pog'onasida jarrohlik amaliyoti o'tkazildi, shu sababli u mashg'ulotlarda tanaffus qilishga majbur bo'ldi.

28 yoshli Mixael Ayfert (13-1, 5KO) 2023 yilda 40 yoshli sobiq jahon chempioni Jan Paskalni hakamlarning yakdil qarori bilan mag'lub etib, chempionlik jangini o'tkazish huquqini qo'lga kiritgan edi. O'sha paytda IBF kamari Artur Beterbievga tegishli bo'lib, u Bivol bilan birlashtiruvchi jang o'tkazish uchun majburiy himoyani kechiktirdi.