Dmitriy Bivol nima uchun jangiga tayyorgarlikni O'zbekistonda olib borishini aytdi

"Biz bu erda 3 haftalik o'quv-yig'in mashg'ulotini o'tkazamiz. Yangiobod shaharchasida yaxshi baza bor va u erning iqlimi biz uchun maqul. Bu erda yaxshi bokschilar bor va menimcha, tayyorgarlik yaxshi bo'ladi. Keyingi jangimni may oyida o'tkazmoqchiman, hozircha aniq raqibim yo'q. Biroq muzokaralar davom etmoqda. Bu erda asosan jismoniy tayyorgarlik ishlari olib boriladi. Biz bu erda og'ir vaznli bokschilar bilan birga ishlaymiz, qiyin o'quv-yig'in mashg'ulotlari bo'lib o'tadi", - dedi Bivol.

- Nega aynan O'zbekistonda o'quv-yig'in mashg'uloti tashkil etishga qaror qildingiz?

- Bu erdagi do'stlarimiz bizga O'zbekistonda yaxshi baza borligini aytishdi. Tog' bag'rida olib boriladigan tayyorgarliklar sog'liq uchun ancha foydali bo'ladi.

- Keyingi raqibingiz Saul Alvares bo'lish ehtimoli bor. Bu haqida qanday fikr bildira olasiz?

- Hozircha ularning qarorini kutyapmiz. Biz bu jangga rozilik berganmiz. Ularning rejalari ko'p va biz ularning yakuniy qarorini kutishga majburmiz. Unga qarshi jang qilmagan taqdirimda ham men may oyida bari bir ringga ko'tarilaman.

- Artur Beterbievchi?

- Uning navbatdagi raqibi deyarli malum. U Jo Smit bilan kelishuvga erishgan. SHu sababli ham bu jang hozircha bo'lmaydi.

Intervyuning video variantini va bokschini kutib olish jarayonini tomosha qiling