"Drago" Volkovning UFC`dagi navbatdagi jangi tasdiqlandi + POSTER

U 1 iyun, yoz faslining birinchi kuni AQSHning Nyuark (Nyu-Jersi) shahrida tashkil etiladigan UFC 302 turniri doirasida oktagonga chiqadi. "Drago"ning raqibi braziliyalik Jailton Almeyda bo'ladi.

Malumot uchun, 35 yoshli Aleksandr Volkov muddatidan avval qo'lga kiritilgan uchta g'alabali seriya bilan kelmoqda. U Jairzino Rozenstrayk va Aleksandr Romanovni nokautga uchratdi. Tai Tuivasani esa bo'g'ish usuli bilan taslim etdi.

Braziliyalik 32 yoshli Jailton Almeyda esa so'nggi jangida UFC promoushenidagi ilk mag'lubiyatini qabul qilib oldi. Kertis Bleyds ikkinchi raundda Jailtonni nokautga uchratishga muvaffaq bo'lgandi. Bu mag'lubiyatigacha u 6 ta g'alabali seriya bilan kelayotgandi. Ana shu janglardan 5 tasini u muddatidan oldin rasmiylashtirgandi. 

Ayni paytda Aleksandr Volkov og'ir vaznlilarning UFC reytingida oltinchi, Jailton Almeyda esa ettinchi o'rinni egallab turibdi.