Dubl-2: Ana endi gandbolchilarimiz jahon chempionatiga chiqishdi

Ushbu Osiyo chempionati Ispaniyada o'tkaziladigan jahon chempionatiga yo'llanma berish bilan ahamiyatlidir. Bir necha kun oldin gandbolchilarimiz Iordaniyani mag'lubiyatga uchratib, JCH yo'llanmasini qo'lga kiritganliklari haqida xabar qilingandi. Ammo kutilmaganda Xalqaro gandbol federaciyasi JCH kvotalarini Osiyo qitasi uchun beshta qilib qo'ygandi va O'zbekiston hamda Gonkong terma jamoalari o'zaro o'yin orqali JCH yo'llanmasi sohibini aniqlab olishlari malum qilingandi. 

Bugun ushbu uchrashuv o'tkazildi va unda gandbolchi qizlarimiz 28:25 hisobida g'alaba qozonib, Osiyo chempionatida beshinchi o'rinni qo'lga kiritishdi. Bu esa O'zbekiston ayollar terma jamoasiga dekabr oyida Ispaniya mezbonlik qiladigan jahon chempionatiga yo'llanmani taqdim etdi.