Dunyoning birinchi raketkasi Uimbldon uchinchi davrasida

Dunyoning birinchi raketkasi Yannik Sinner ikkinchi davrada ATP reytingida 93-o'rinni egallab turgan avstraliyalik Aleksandr Vukichni ortiqcha qiyinchiliksiz mag'lubiyatga uchratdi - 6/1, 6/1, 6/3. Bu tennischilarning o'zaro o'tkazgan uchinchi uchrashuvi bo'ldi - 3:0.

To'qson to'qqiz daqiqa davom etgan bahsda Sinner 12, Vukich 3 ta eys zarbasini amalga oshirgan. Breyklar bo'yicha mutlaq ustunlik italiyalik tennischi tomonida - 6 ga 0! Yannik mavsumagi 21-g'alabasini qo'lga kiritdi. Hisobida yana 3 ta mag'lubiyat ham bor.  

Endi Yannik Sinner Londondagi nufuzli turnirning uchinchi bosqichida Pedro Martinesga qarshi kortga chiqadi. O'z o'rnida ispaniyalik tennischi ikkinchi davrada argentinalik Mariano Navoneni qiyinchilik bilan mag'lubiyatga uchratdi - 7/5, 7/5, 7/6(4).