29 avg 07:32
Yangiliklar

Dunyoning birinchi raketkasi US Open 1/16 finaliga chiqdi
Dunyoning birinchi raketkasi Yannik Sinner ikkinchi davrada ATP reytingida 36-o'rinni egallab turgan avstraliyalik Aleksey Popirinni ortiqa qiyinchiliksiz mag'lubiyatga uchratdi - 6/3, 6/2, 6/2. Italiyalik raketkasi ustasi bu bilan tennischilarning o'zaro uchrashuvlaridagi hisob muvozanatini ham tiklab qo'ydi - 1:1.
Ikki soatu bir daqiqa davom etgan bahsda Sinner 5, Popirin 6 ta eys zarbasini amalga oshirgan. Ikkala tennischi ham bir xilda 4 tadan qo'shxatoga yo'l qo'ydi. Breyklar bo'yicha mutlaq ustunlik g'olib tennischi tomonida bo'ldi - 5 ga 0.
Italiyalik tennischi xard qoplamali kortlarda o'tkaziladigan "Katta Dubulg'a" turniridagi ketma-ket 23-g'alabasini qo'lga kiritdi. Endi u US Open uchinchi bosqichida kanadalik Denis SHapovalovga qarshi kortga chiqadi.
Fikrlar