27 avg 19:01
Yangiliklar

Dunyoning eng qimmat darvozabonlaridan biri o'ziga yangi jamoa topdi

Fabricio Romanoning xabar berishicha, "Bornmut" Kepa Arrisabalagani ijaraga olish uchun muzokaralar olib bormoqda.

Ispaniyalik darvozabon endi o'z klubi rejalaridan o'rin olmagan va yaqin orada "CHelsi"ni tark etishi mumkin.

Kepa o'tgan mavsumni "Real"da ijarada o'tkazdi, ammo "Santyago Bernabeu"da sezilarli natija qayd eta olmadi. "Los-Blankos" uni Andrey Luninning o'rnini bosadigan futbolchi sifatida ko'rgan, biroq ukrainalik posbon jamoada qolishni istasa, Kepa bu yil La Ligaga qaytishi dargumon.

"Bornmut" Kepaga muntazam o'ynash imkoniyatini taklif qildi va vaqtinchalik shartnoma imzolashga yaqin turibdi. Kepaning "CHelsi" bilan amaldagi bitimi 2025 yilda tugaydi va u ijaradan oldin yana bir yilga uzaytirilishi mumkin. Agar muzokaralar yaqin soatlarda oldinga siljisa, ispaniyalik o'yinchi tibbiy ko'rikdan o'tishga kirishadi.