Dvalishvili: "Sendxagenni nokaut qilmoqchiman, lekin aksi bo'lsa u uchun xursand bo'laman"

Merab va Kori o'rtasidagi jang 5 oktyabr kuni UFC 320 turnirida o'tkaziladi.

"Men Kori Sendhagenni jangchi va inson sifatida qattiq hurmat qilaman. Har safar uning Frenki Edgarni nokaut qilganini ko'rganimda, bundan katta taassurot olaman. U Mario Bautistani yuta oldi, CHito Veraga qarshi to'liq ustunlik qildi va Pyotr Yan bilan yaxshi jang o'tkazdi.

Kori xavfli, uni to'xtatish qiyin. U juda kuchli kurashchi va greppler, chidamli, teykdaunlardan yaxshi himoyalana oladi va oktagonda harakatlanishi zo'r. Bu juda qiziqarli jang bo'ladi, men unga qarshi jang qilishni intiqlik bilan kutyapman.

Albatta, nokaut bilan g'alaba qozonishni rejalashtiryapman, chunki hozir zarba texnikam ustida qattiq ishlayapman. Ehtimol, jang "stoyka"da kechadi. Lekin bu MMA, demak hamma narsaga tayyor turishimiz kerak.

Men g'alaba uchun bor kuchimni ishga solaman. Lekin natijadan qati nazar, xursand bo'laman. Mashg'ulot lagerida ham, jangda ham o'z kuchimni to'liq ishga solishga harakat qilaman. Agar u meni yuta olsa ham, uning uchun xursand bo'laman. CHunki u kuchli raqib va eng yaxshilariga arziydi", — dedi Dvalishvili.