Dyusseldorf. Boboev hamda Ahadovda g'alaba, Rasulov va Matniyazova yutqazdi

Bugun hamyurtlarimiz -70, -73 va -81 kg vazn toifalarida tatamiga chiqishyapti. -73 kg vazn toifasidagi dzyudochilarimiz SHahram Ahadov va G'iyosjon Boboev g'alaba qozonib, uchinchi davraga yo'l oldi. Boboev ikkinchi bosqichda Yakub Yasminekni, SHahram Ahadov esa meksikalik Eduardo Araujodan ustun keldi. G'iyosjon uchinchi davrada koreyalik jahon chempioni An CHangrimga, SHahram esa gruziyalik Lasha SHavdatuashviliga qarshi tatamiga chiqadi.   

Afsuski, -81 kg vazndagi vakilimiz Kamoliddin Rasulov ilk uchrashuvidayoq xorvatiyalik Dominik Druzetaga imkoniyatni boy berib qo'ydi. -70 kg vazndagi Gulnoza Matniyazova esa vengriyalik Jabina Gerchakka yutqazdi. Birozdan so'ng -81 kg vazn toifasidagi ikkinchi dzyudochimiz SHarofiddin Boltaboev vengriyalik Atilla Ungvariga qarshi bahs olib boradi.