22 fev 17:07
Yangiliklar

Dzyudo

Dyusseldorf. Boboev va Ahadov ishtiroklarini yakunlashdi

Dyusseldorf shahri mezbonligida o'tayotgan "Katta Dubulg'a" turkumiga kiruvchi turnirning ikkinchi kungi bellashuvlari qizg'in pallaga kirib bormoqda.

Afsuski, -73 kg vazn toifasida yurtimiz sharafini himoya qilayotgan dzyudochilarimiz SHahram Ahadov va G'iyosjon Boboev uchinchi davrada mag'lubiyat alamini totib ko'rib, musobaqa bilan erta xayrlashishdi.

Boboev koreyalik jahon chempioni An CHangrimga, Ahadov esa gruziyalik Lasha SHavdatuashviliga imkoniyatni boy berib qo'ydi. Endi bor etiborni SHarofiddin Boltaboevning ishtirokiga qaratamiz. -81 kg vazndagi yurtdoshimiz birozdan so'ng qirg'izistonlik Vladimir Zoloevga qarshi tatamiga chiqadi. Boltaboev ikkinchi bosqichda vengriyalik Atilla Ungvaridan ustun kelgan edi.