Dzyudo asoschilaridan biri Arslon Elov 75 yoshda!

Arslon Nurovichni bugungi kunda ham ko'plab shogirdlari davrasida faol mehnat faoliyatlarini davom ettirmoqdalar. U kishi O'zbekiston Davlat jismoniy tarbiya va sport universitetining Xalqaro kurash turlari nazariyasi va uslubiyati kafedrasi professori bo'lib, yoshlarga yillar davomida orttirgan boy tajribalarini ulashib kelyaptilar.  

"Malumki, 1972 yilda Yaponiyadan bir guruh dzyudo murabbiylari Toshkentga shahriga tashrif buyurib, dzyudo sport turini mamlakatimizda keng rivojlantirish bo'yicha seminar o'tkazib ketishgan edi. O'shanda ushbu sport turini keng ommalashtirish va rivojlantirish aynan meni zimmamga yuklatilgan va men 1972 yildan mamlakatimiz bo'ylab kezib, bu vazifani bajarishga kirishganman. 75 yoshni qarshilayapmanki, hali-hamon kafedrada talabalarga dzyudo sirlarini o'rgatib kelyapman", - deydi O'zDJTSU Xalqaro kurash turlari nazariyasi va uslubiyati kafedrasi professori Arslon Elov.   

Saytimiz ijodkorlari va o'quvchilari nomidan bugun tavallud kunini nishonlayotgan ustoz Arslon Elovni muborakbod etamiz. Ularga uzoq umr, sihat-salomatlik, oilaviy baxt tilaymiz.