Dzyudo federaciyasi tomonidan o'tkazilgan "Olimpiya kuni"dan FOTOREPORTAJ

Xususan, yurtimizda ham O'zbekiston Turizm va sport vazirligi, Milliy olimpiya qo'mitasi tashabbusi bilan ushbu sanaga bag'ishlangan turli darajadagi tadbirlar tashkil etildi va shu kunlarda ham davom etmoqda. 

Kecha kunning ikkinchi yarmida ana shunday bayram tadbirlaridan biri O'zbekiston dzyudo federaciyasi tomonidan o'tkazildi. 

Poytaxtimizdagi Mirzo Ulug'bek nomidagi istirohat bog'i (Sobiq Telman) hamda Ekopark (EkoPark) bog'ida "Olimpiya kuni" tadbiri tashkil etildi. Har ikki marosim ham bir paytda boshlanib, mingga yaqin toshkentliklar va shahrimiz mehmonlari hamda ularning farzandlariga bayramona ko'tarinki kayfiyat ulasha oldi. 

Sportga befarq bo'lmagan yurtdoshlarimiz nafaqat mashhur dzyudochilarimizning ko'rgazmali chiqishlaridan bahramand bo'lishdi, balki o'zlari ham tatamida dzyudo qanday sport turi ekanini his etib ko'rishdi.  

Marosimda O'zbekiston Turizm va sport vaziri o'rinbosari Avaz Karimov, Milliy olimpiya qo'mitasi raisi Rustam SHoabdurahmonov, MOQ raisi o'rinbosari, mamlakat dzyudo federaciyasi raisi Azizjon Kamilov va boshqa mutasaddilar ishtirok etib, yig'ilganlarni Xalqaro "Olimpiya kuni" bilan qutlashdi. 

Bayram tadbiri yakunida bolajonlarga tashkilotchilar tomonidan sovg'alar taqdim etildi.

Suratlar muallifi - Alimurod MAMADAMINOV, o'z muxbirimiz