Dzyudo. Osiyo chempionatiga yo'l oladigan terma jamoamiz tarkibi malum

Qita chempionati ham yakkalik, ham jamoaviy yo'nalishda tashkil etiladi. Bugunga kelib ushbu nufuzli musobaqada ishtirok etish istagini Osiyoning 36 davlati terma jamoalari bildirgan. Bu mamlakatlar hozircha jami 274 nafar (166 erkak, 108 ayol) dzyudochini ro'yxatdan o'tkazgan. Ushbu ro'yxat hali bir necha marotaba o'zgarishi ham mumkin. 

Ilias Iliadis boshchiligidagi O'zbekiston terma jamoasi murabbiylar shtabi ham Osiyo chempionatiga dzyudochilarni ro'yxatdan o'tkazdi. Tarkibimizdan 17 nafar (9 erkak, 8 ayol) dzyudochi joy olgan. Hindiston, Mo'g'uliston, Qozog'iston va Koreya Respublikasi federaciyalari maksimal - 18 nafardan dzyudochini IJF saytida ro'yxatdan o'tkazgan.

Takidlash joiz, hali terma jamoamizda o'zgarishlar bo'lishi mumkin. Etakchilardan Davlat Bobonovva Alisher Yusupov tarkibda yo'q. Antaliya "Katta Dubulg'a" turnirida ko'rsatilgan natijadan kelib chiqsak, tarkibda o'zgarishlar bo'lish ehtimoli yuqori.          

Osiyo chempionatiga yo'l oladigan tarkibimiz:

Ayollar

-48 kg: Halimjon Qurbonova

-52 kg: Sita Kadambaeva

-52 kg: Diyora Keldiyorova 

-57 kg: SHukurjon Aminova

-70 kg: Gulnoza Matniyazova

-70 kg: SHohista Nazarova

-78 kg: Irisxon Qurbonboeva

+78 kg: Rinata Ilmatova

Erkaklar 

-60 kg: Dilshodbek Baratov

-60 kg: Doston Ro'ziev

-66 kg: Muhriddin Tilovov

-66 kg: Sardor Nurillaev

-73 kg: Murodjon Yo'ldoshev

-73 kg: SHahram Ahadov

-81 kg: Nurbek Murtazoev

-81 kg: SHarofiddin Boltaboev

-100 kg: Muzaffarbek To'raboev