Elshod Rasulov Olimpiada oldidan: "Bokschi qizlarimizda medal uchun imkoniyatlar yaxshi"

"Tokio Olimpiadasidan so'ng qizlarimiz bilan 4 ta licenziya qo'lga kirita oldik. Buning zamirida katta mehnat turibdi. Qizlar boksini rivojlantirish uchun O'zbekiston boks federaciyasi tomonidan munosib sharoitlar yaratib berildi. Qizlarimiz esa bu sharoitlardan unumli foydalanishdi. 

Bizda -75 kg vazn toifasidagi qizimizda ham (Aziza Zokirova nazarda tutilmoqda - A.T) licenziya qo'lga kiritish imkoniyati bor edi. Ammo malum sabablarga ko'ra u hal qiluvchi bahsda mag'lubiyatga uchradi. Keyingi musobaqalarda qolgan qizlarimiz ham kamchiliklarni bartaraf etib, kerakli natijalarga erishishadi deb o'ylayman. 

-Licenziya bo'yicha rekordlar albatta yaxshi. Biroq, Olimpiadada ham medallarni ko'zlagan bo'lsangiz kerak...

-Albatta Olimpiadadan niyatimiz katta. 4 nafar licenziya bo'lsa ham, bizda son emas, sifat yaxshi. Barcha qizlarimizda imkoniyatlarimiz yaxshi.