Emelyanenko ishtirokidagi jang muddatidan avval yakunlandi

Oqshomning markaziy jangi og'ir vazn toifasida o'tkazilib, unda rossiyalik taniqli MMA ustasi Aleksandr Emelyanenko bloger, pop-MMA vakili Evgeniy Ershovga qarshi oktagonga ko'tarildi. 

Jangning ikkinchi raundida Emelyanenko raqibini og'ritish usuli bilan taslim bo'lishga majbur qildi. Birinchi raundda Ershov kuchli zarba bilan nomdor raqibini nokdaun holatiga tushirib qo'yishiga bir bahya qolgandi. 

Bu Aleksandr Emelyanenkoning MMA qafasidagi 29-g'alabasi bo'ldi. Hisobida 10 ta mag'lubiyat ham bor. Yana bitta jang durang natija bilan yakunlangan. Bundan avvalgi jangida u Svyatoslav Kovalenkoga ochkolar hisobiga ko'ra yutqazib qo'ygandi. Uning kechagi raqibi Evgeniy Ershov esa 11 ta jangning 5 tasida mag'lubiyatga uchragan.