Emelyanenko islom dinini qabul qilganmi? Javobni uning o'zi berdi

Matbuotning bu haqda yozishiga Emelyanenkoning Makka va Madina shaharlariga borgani, ismini Abubakarga o'zgartirgani, kabapo'shni sovg'a sifatida qabul qilib olgani sabab bo'lgandi. 

"Nega dinni o'zgartirganim haqidagi xabarlarga vaqtida javob bermadim? CHunki siz jurnalistlar bu ishni qilishingizni kutdim. Lekin rahbarlaringiz sizni shunday yozishga majbur qilishdi. Qanday qaror qabul qilsam ham, bunga o'zim kelaman. Bitta nashr "Emelyanenko islomni qabul qildi" deb xabar berdi, qolganlar ko'chirishdi. Men islomni qabul qilmaganman. Lekin ichkilikdan qutulishimda beminnat yordam bergan musulmon do'stlarimdan minnatdorman", — dedi Emelyanenko o'zining Telegram‑kanalida.

Eslatib o'tamiz, Aleksandr Emelyanenko navbatdagi jangini 12 aprel kuni Ural FC 7 turnirining markaziy jangida hamyurti Vyacheslav Dacik bilan to'qnash keladi. Bu Emelyanenko uchun revansh maqomidagi jang bo'ladi. Ularning ilk jangida Dacik nomdor raqibini 13-soniyadayoq nokautga uchratgandi.