Emelyanenkoning navbatdagi jang uchun gonorari malum

So'nggi paytlarda boshi muammodan chiqmay qolgan Emelyanenko taniqli bloger Artem Tarasovga qarshi jang o'tkazadi. Bu jang uchun u 100 ming dollar gonorar oladi. Bu haqida uning menejeri Azamat Bostanov xabar berdi.

"Artem Tarasovga qarshi jang gonorari qoniqarli. Har holda bu Aleksandr Emelyanenko, u esa tekinga jang o'tkazmaydi. Sasha 100 ming dollarga ega bo'ladi. Bu yaxshi ishchi gonorar", - deydi Bostanov. 

Ammo, Emelyanenkoning raqibi boshqa summa haqida gapirdi.

"Gap katta gonorar haqida ketmoqda. Bilishimcha, Emelyanenkoga 10 million, menga esa 5 million rubl gonorar vada qilishmoqda. Bu shaxsan men uchun faoliyatimdagi eng katta gonorar bo'ladi", - deya "Ushatayka" kanaliga intervyu bergan Tarasov. 

Avvalroq, Aleksandr Emelyanenko - Artem Tarasov jangining yaqin bir oy ichida o'tkazilishi malum qilingandi. SHartnomaga ko'ra jang boks qoidalari asosida, lekin MMA qo'lqoplarida tashkil etiladi.