Endi Olimpiadada qilichbozlik bo'yicha 12 ta medallar jamlanmasi o'ynaladi

XOQ qaroriga binoan, Yaponiyada bo'lib o'tadigan Olimpiada o'yinlarida endi 12 ta medallar jamlanmasi o'ynaladigan bo'ldi. Ushbu medallardan 6 tasi yakkalik, yana 6 tasi jamoaviy bahslarda o'ynaladi.

Xalqaro qilichbozlik federaciyasi (FIE) 10 yildan ortiq vaqt davomida ushbu taklifni XOQqa ilgari surib kelayotgandi.

Federaciya Rio Olimpiadasidan so'ng qilichbozlikka etibor oshganini, OAV va ijtimoiy tarmoqlarda ushbu sport bo'yicha keng muhokamalar bo'lib o'tayotganini ushbu taklifda asos qilib oldi.

"Mening eng katta orzularimdan biri amalga oshdi. Federaciya prezidentligidagi eng asosiy maqsadlarimni amalga oshira oldim. XOQning ushbu qarori qilichbozlikning rivojlanayotgani va ommaviy sport turlaridan biriga aylanayotganligining yana bir tasdig'idir.

Milliy federaciyalar, sportchilar va qilichbozlik dunyosi ushbu qaror uchun XOQning ijroiya qo'mitasiga, Olimpiya dasturi komissiyasiga minnatdorchilik bildiradi", - deydi Xalqaro qilichbozlik federaciyasi Prezidenti Alisher Usmonov.

P.S. Bungacha Olimpiadada qilichbozlik sport turi bo'yicha 10 ta medallar jamlanmasi o'ynalardi.