Eng kuchli triatlonchilar jam bo'ladigan Osiyo kubogiga bag'ishlangan matbuot anjumani o'tkazildi

Poytaxtimizdagi “Hilton” mehmonxonasida musobaqaga bag'ishlangan matbuot anjumani o'tkazilib, unda mutasaddilar turnir atrofidagi qiziqarli savollarga javob berishdi. 

Marosimda Sportni rivojlantirish vazirining o'rinbosari SHahrullo Mahmudov, MOQ Bosh kotibi Oybek Kasimov, O'zbekiston triatlon federaciyasi Bosh kotibi Elena Kun spiker sifatida qatnashdilar.

Qayd etish joiz, bir-biridan nufuzli xalqaro musobaqalarni qabul qilayotgan Samarqand so'nggi paytda etibor markazidagi shaharlardan biriga aylanib ulgurdi. Triatlon bo'yicha o'tadigan Osiyo kubogi ham mazkur ko'hna shaharning turistik salohiyatini ochib berishga yana bir omil bo'ladi. 

Anjumanda so'z olgan mutasaddi rahbarlar bu haqida alohida to'xtalib, Prezidentimiz tomonidan yurtimizda ommaviy sport targ'ibotini kuchaytirishga qaratilayotgan etibor xususida ham gapirib o'tishdi.

O'zbekiston triatlon federaciyasining malum qilishicha, 8 oktyabr kuni 30 mamlakatdan tashrif buyurgan 70 nafar professional sportchi chempionlik uchun bellashadi. 9 oktyabr sanasida esa 160 nafar havaskor atletlar o'rtasida shohsupa egalari aniqlanadi. 

Ahamiyatlisi, yoshlarga yuksak namuna ko'rsatish uchun O'zbekiston Respublikasi Mudofaa vaziri ham ular orasida ishtirok etishi kutilmoqda. Har ikki kungi bellashuvlar triatlonning klassik yo'nalishi: ochiq havzada 1,5 kmga suzish, 30 kmga velopoyga va 10 kmga yugurish dasturlarida o'tkaziladi.

Anjuman davomida OAV xodimlari musobaqa bo'yicha o'zlarini qiziqtirgan boshqa savollarga ham javob olishdi.