Entoni Joshua - Dillian Uayt jangining ehtimoliy sanasi aytildi

Joshuaning promouteri Eddi Xirnning aytishicha, britaniyaliklar o'rtasidagi jang 12 avgust kuni poytaxt Londonda bo'lib o'tadi.

"Dillianga dam olish kunlarini taklif qildik. Biz undan javob kutyapmiz. Dillian uchun revansh olishga yaxshigina imkoniyat. Bu jang superog'ir vazn toifasidagi yilning eng yaxshi to'qnashuvlaridan biri bo'lishi shubhasiz. Har ikki bokschi bu jangni xohlayotgan bo'lsa-da, muzokaralar ko'pchilik o'ylaganchalik oson kechmayapti", – deya Xirnning so'zlarini keltirmoqda BBC.

Eslatib o'tamiz, Entoni o'zining so'nggi jangini shu yilning aprel oyida amerikalik Jermeyn Franklinga qarshi o'tkazib, raqibini ochkolar hisobiga ko'ra mag'lubiyatga uchratgan edi. Qizig'i, Uayt ham o'zining so'nggi jangida aynan Franklindan hakamlarning yakdil qarori bilan ustun kelgan.