Ertangi jang oldidan Bektemir Meliqo'zievning raqibi o'zgardi

Avvalroq, hamyurtimiz meksikalik Marko Antonio Peribanga qarshi jang qilishi haqida xabar qilingandi. Biroq, jang uchun vazn tashlash jarayonida Peribanning sog'lig'i yomonlashgan, shu sababli u ertaga Bektemirga qarshi jang qila olmaydi. 

Hamyurtimiz ertaga boshqa bir meksikalik bokschi - Oskar Kortesga qarshi ringga ko'tariladi. Raqibning statistikasiga nazar tashlaydigan bo'lsak, Kortes shu kungacha prof boksda 32 ta jang o'tkazgan va ularning 27 tasida g'alaba qozongan (14 ta nokaut). 5 marotaba mag'lub bo'lgan (4 ta nokaut). 

Eslatib o'tamiz, jang Toshkent vaqti bilan 15 fevral kuni ertalab o'tkaziladi. Bahs AQSHning Kaliforniya shtati Anaxaym shahrida tashkil etiladi.