Eshkak eshish bo'yicha yoshlar o'rtasida jahon chempioni O'zbekiston sharafini himoya qilyapti + FOTO

Akademik eshkak eshish bo'yicha Rossiya terma jamoasi azosi Anna Aksyonova O'zbekiston sport fuqaroligini qabul qildi.

Anna Aksyonova 1997 yilning 31 oktyabr kuni Rossiya Federaciyasining Saratov shahrida tug'ilgan.

U Rossiya terma jamoasi safida akademik eshkak eshish bo'yicha yoshlar o'rtasida Jahon Evropa chempionatlarining g'olib hamda sovrindori hisoblanadi. Kattalar o'rtasidagi Evropa chempionatida esa bronza medalini qo'lga kiritgan.

Anna bir necha kun avval Bolgariyaning Plovdiv shahrida bo'lib o'tgan Jahon kubogida O'zbekiston terma jamoasi safida startga chiqib, SHahboz Xolmurzaev bilan juftlikda Mix2x dasturida kumush medalga ega chiqdi.