Eshkak eshish va sport kurashlari bo'yicha strategiya yana bir bor ko'rib chiqildi

O'zbekiston Respublikasi Prezidenti tomonidan “2024 yil Parij shahrida (Franciya) bo'lib o'tadigan XXXIII yozgi Olimpiya va XVII Paralimpiya o'yinlariga O'zbekiston sportchilarini kompleks tayyorlash to'g'risida”gi Qarorining imzolanishi barcha federaciya va associaciya mutasaddilarida bo'lajak Olimpiadaga tayyorgarlik masuliyatini yanada oshirmoqda. Bugun O'zbekiston Rowing&Canoe federaciyasi hamda O'zbekiston sport kurashlari associaciyasi bilan tayyorgarlik rejalari yana bir bor muhokama qilindi.

Dastlab Rowing&Canoe federaciyasi mutasaddilari bilan uchrashuv bo'lib o'tdi. Unda MOQ rahbari Rustam SHoabdurahmonov, Turizm va sport vazirining o'rinbosari Avaz Karimov, MOQ raisi o'rinbosari SHerzod Tashmatov, federaciya bosh homiysi Energetika vazirligi, Suv sporti turlari bo'yicha Respublika Oliy sport mahorat maktabi vakillari, Vyacheslav Didrix boshchiligidagi federaciya mutasaddilari, murabbiylar shtabi ishtirok etdi. 

Takidlash joiz, yig'ilish tanqidiy ruhda o'tib, tayyorgarlik strategiyasi bir necha bor muhokama qilinayotgan bo'lsa ham murabbiylarning rejasi puxta ishlab chiqilmagani yuzasidan keskin fikrlar bildirildi.

O'z navbatida, federaciya vakillari Parij-2024 Olimpiadasiga 11 ta yo'llanma ko'zlanayotgani, bu borada Franciya va bir qator mamlakatlar bilan hamkorlik rejalashtirilganini malum qilishdi.

Kunning ikkinchi yarmida sport kurashlari bo'yicha tayyorgarlik strategiyasi muhokama qilindi. Unda Sportning yakkakurash turlari bo'yicha Respublika Oliy sport mahorati maktabi direktori Bahodir Mamatnazarov, O'zbekiston sport kurashlari associaciyasi bosh kotibi SHuhrat Mamadaliev va terma jamoa murabbiylar shtabi qatnashdi.

Ahamiyatlisi, associaciya Parij-2024 Olimpiadasiga mahalliylashtirilgan sportchilarsiz yo'llanma olishni rejalashtirgan. SHuningdek, ilk bor ayollar kurashida ham licenziya qo'lga kiritish associaciya oldida turgan ustuvor vazifalardan ekani malum qilindi.

Suhbat davomida kelgusi yil Toshkentda sovrin jamg'armasi katta bo'lgan xalqaro musobaqa tashkillashtirish orqali ushbu sport turini yoshlarimiz orasida yanada ommalashtirish, sportchilarimiz mahoratini oshirish bo'yicha takliflar muhokama qilindi.