Faoliyatini yakunlagan qozog'istonlik Jalgas Jumagulov yana UFC'da! Uning raqibi va jang sanasi ham malum

O'ta engil vazn toifasida UFC musobaqalarida jang qilib kelgan, ammo o'tgan yilning noyabr oyida faoliyatini yakunlaganini elon qilgan qozog'istonlik Jalgas Jumagulov (14-8) yana UFC'da jang qiladi.

Insayder Marsel Dorfning malum qilishicha, Jumagulov 7 may kuni UFC 288 turniri doirasida oktagonga chiqadi. Unga o'sha kuni amerikalik Neyt Maness (14-3) raqiblik qiladi.

Jalgas Jumagulov UFC'da 6 ta jang o'tkazib, bir marotaba g'alaba qozongan, beshta jangda mag'lubiyat alamini totib ko'rgan. Neyt Maness esa so'nggi ikkita jangida rossiyaliklar — Umar Nurmagomedov va Tagir Ulanbekovga mag'lub bo'lgan.

Malumot uchun, UFC 288 turnirining markaziy jangi Aljemeyn Sterling va Genri Sexudo o'rtasida eng engil vazn toifasi chempionligi uchun kechadi. Bundan tashqari, ushbu oqshomda CHarlz Oliveyra Benil Dariushga qarshi oktagonga ko'tariladi.

Nate Maness will fight Zhalgas Zhumagulov at #UFC288 on May 6th. #UFC #MMA #UFCESPN #UFC2023 pic.twitter.com/Inst1bfcYL

— Marcel Dorff ???????????????? (@BigMarcel24) March 7, 2023