19 iyu 09:46
Yangiliklar

Boks/MMA

Farhodjon Mashrapov va Amirxon Alixo'jaev Naiza reytingiga kiritildi + FOTO

Engil vazn toifasida o'zbekistonlik aralash yakkakurash ustasi Amirxon Alixo'jaev (5-3) hamda Farhodjon Mashrapov (7-7) Qozog'istonning Naiza ligasi reytingidan o'rin oldi.

Engil vazn toifasida tuzilgan ushbu reytingda hamyurtimiz Farhodjon Mashrapov 6-o'rindan joy olgan bo'lsa, Amirxon Alixo'jaev 7-o'rinda qayd etilgan. Mazkur vaznda liga chempioni qozog'istonlik Magomed Kabardiev (10-0) hisoblanadi.

Eslatib o'tamiz, Amirxon Alixo'jaev so'nggi jangini 20 mart kuni reytingning uchinchi pog'onasidan o'rin olgan ukrainalik Daniel Donchenkoga (7-1) qarshi o'tkazib, mag'lub bo'lgan edi.

Farhodjon Mashrapov esa so'nggi bor 7 yanvar kuni O'zbekistondagi MPL 7 turnirida Eldor Eronov bilan jang qilib, imkoniyatni boy bergandi. U so'nggi uchta jangidan buyon g'alaba qozona olmayapti.

Malumot o'rnida, 24 yoshli Amirxon Alixo'jaev keyingi jangini Donchenkoga qarshi revansh maqomida o'tishini istamoqda.