Federaciyalarga Tokio Olimpiadasiga licenziya olish bo'yicha maksimal vazifa yuklatildi

Unda Tokio Olimpiadasiga olib borilayotgan tayyorgarlik va soha rivoji bo'yicha tanqidiy fikrlar bildirilib, amalga oshirilishi zarur bo'lgan chora-tadbirlar bo'yicha tegishli ko'rsatmalar berilgan edi. Bugun MOQda ana shu majlisda ko'rsatilgan topshiriqlar ijrosini taminlash yuzasidan yig'ilish o'tkazildi. Uni Milliy olimpiya qo'mitasi rahbari Rustam SHoabdurahmonov olib bordi.

Yig'ilishda, shuningdek, O'zbekiston Respublikasi Prezidenti adminstraciyasi masul xodimi Asilbek Murtazoev, barcha federaciya va associaciyalar rahbariyati, Sog'liqni saqlash vazirligi vakili va OAV xodimlari ham ishtirok etdi.

Yig'ilishda MOQ prezidenti maslahatchisi Nazirjon Xudoyqulov Olimpiadaga tayyorgarlik ko'rish bo'yicha so'nggi ikki haftada ishlab chiqilgan tizim bo'yicha hisobot topshirdi. SHundan so'ng Rustam SHoabdurahmonov qilinadigan ishlar borasida atroflicha gapirib o'tdi.

“O'tkazilgan videoselektorda haqiqatda o'rinli tanqidlar bildirildi. Bu bo'yicha ishni yanada jadallashtirishimiz kerak. Hozir Olimpiya o'yinlariga tayyorlanayotgan barcha sport turlariga qo'shimcha xodimlar biriktirildi. Ularning ishi federaciya va murabbiylarning faoliyatiga aralashmagan holda olib borilayotgan o'quv-mashg'ulot yig'inlarini kuzatishdir. Ertalabdan sportchilar bilan birga bo'lib, kun davomida har birining holati, mashg'ulotlarga qanday yondoshayotgani, sog'lig'idagi o'zgarishlar bo'yicha hisobot topshiradi. Prezidentimiz sport tibbiyoti bo'yicha ham alohida ko'rsatma berganlar. Sportchilarimizning vitaminlarini, farmokologik vositalarini o'z vaqtida istemol qilinayotgani borasida ham nazorat bo'ladi”, – dedi Rustam SHoabdurahmonov.

Yig'ilish davomida har bir federaciyalarning Tokio Olimpiadasiga licenziya qo'lga kiritish bo'yicha maksimal harakat qilinishi, buning uchun Milliy olimpiya qo'mitasi kerakli sharoitlarni yaratib berishga tayyor ekani bo'yicha ham to'xtalib o'tildi. MOQ rahbari yig'ilishni yurtboshimizning Olimpiya o'yinlarida qo'lga kiritiladigan medallar, avvalo, yoshlarimizga kerakligi, ular mana shu medallarga qarab akalariga, opalariga havas qilib, sport bilan shug'ullana boshlashlari haqidagi iqtiboslari bilan yakunladi.